అనతియ్య గడవయ్య ఆకడ నీకడ నీకు తానకపు కానుకలు దక్కేనో దక్కదో
మోవితేని బోనాలు మోసునవ్వు మొనాలు ఆవల చెలి యొకతె అంపె నీకదే
కాని కంటి కుంకుమలు కమ్మవూర్పు సురటులు ఈవల నీకంపితిని ఎక్కెనో యెక్కదో
చేసన్న వీడేలు చిమ్ముగోరి మేడేలు పోసరించి వేరొకతె పుత్తెంచె నీకు
యీసు జెమట పన్నీరు యింపుగాకల రతులు వాసిగ నీకంపితిని వచ్చెనో రాదో
పలుకుల కప్పురాలు భావారతి చప్పరాలు యెలమి శ్రీవేంకటేశ యిచ్చే నెవ్వెతో
బలు సరసపు మొక్కు పాన్పుపై కూటమి చొక్కు తలకిక నీకిచ్చితిని తనిసెనో తనియదో
No comments:
Post a Comment