హరిదాసుడై మాయల

హరిదాసుడై మాయల జిక్కువడితే వెఱపించబోయి తనే వెఱచినట్లవును

శూరుడైనవాడేడజొచ్చిన నడ్డములేదు ఆరీతిజ్ఞానినికి విధులడ్డములేవు
కారణాన నప్పటినీ గలిగెనా నది మఱి తేరిననీళ్ళ వండు దేరినట్లవును

సిరులరాజైతే నేమి సేసిన నేరమి లేదు పరమాధికారియైతే బాపములేదు
అరసి తనకుదానే అనుమానించుకొనెనా తెరువే పో సుంకరి దెలిపినట్లవును

భూమెల్ల మేసినా నాబోతుకు బందె లేదు నేమపుబ్రపన్నునికి నిందలేదు
యీమేర శ్రీవేంకటేశ్వరును శరణుని సోమరి కర్మమంటితే జుంటీగ కతవును