శ్రీవేంకటేశుడు శ్రీపతియు నితడే పావనపువైకుంఠపతియును నితడే
భాగవతములో జెప్పే బలరాముతీర్థయాత్ర నాగమోక్తమైనదైవ మాత డితడే
బాగుగా బ్రహ్మాండపురాణపద్ధతియాత డితడే యోగమై వామనపురాణోక్తదైవ మీతడే
వెలయ సప్తఋషులు వెదకి ప్రదక్షిణము లలర జేసినదేవు డాత డీతడే
నెలవై కోనేటిపొంత నిత్యము గుమారస్వామి కలిమి దనముసేసి కన్నదేవు డీతడే
యెక్కువై బ్రహ్మాదులు నెప్పుడు నింద్రాదులు తక్కక కొలిచియున్న తత్త్వ మీతడే
చక్క నారదాదులసంకీర్తనకు జొక్కి నిక్కినశ్రీవేంకటాద్రినిలయుడు నీతడే
No comments:
Post a Comment