విరహాన బడలెను

విరహాన బడలెను విభుడు యిందాకాను పురుషార్థమిందు వంక బొందేదేమే

కంతునిదీపమవై ఘమ్మని భ్రమయించేవు పొంత నిండు వంక నేమిపుణ్యమే నీకు
పంతమున వలపించి పలుమారు నలిగేవు యెంత లాభము గలిగె నిందు వంక నీకు

చెరకు సింగణివై చెలువుని నేచేవు గురిగా నెంత ధనము గూడెనే నీకు
వెరగువడుచు నీవు వెంటవెంట దిప్పేవు నెర దొరతనమెంత నేర్చితివె నీవు

పూవుల గాలమవై పురుషుని దగిలేవు వేవే యెంత రాజ్యమేలితిదె నీవు
యీవల శ్రీ వేంకటేశుడితడిట్టె నిన్నుగూడె కైవశమై యెంత కొడిగట్టితివె నీవు