విఱిగిరి దానవవీరు లదె అఱిముఱి దేవత లాడే రదె
సరగునకంభ మదె పగిలె నదె హరినరసింహంబాయ నదె
గరుడధ్వజ మదె ఘనచక్రం బదె మొరసేటిశంకపుమ్రోత లవె
వెడలె వెడలె నదె పెనుకొని హిరణ్యు దొడికిపట్టె నదె తొడమీద
విడువక చించిన వేయిచేతులవె కడపమీదనే కదల డదె
అదె వామాంకంబందు లక్ష్మియదె కదిసి శాంతమదే కరుణ యదె
వుదుటున ప్రహ్లాదు నూరడించె నదె యిదె శ్రీవేంకట మెక్కె నదె
No comments:
Post a Comment