వివేకమెఱుగనివెఱ్ఱులముగాక నేము దివారాత్రము నిన్నే ద్రిష్టించవలదా
మానివోడ నమ్మి వొక్కమనుజుడు వార్ధి దాటి నానార్థములు గూర్చి నటించగాను
దానవారికృప నమ్మి తగినసంసారవార్ధి లోను చొచ్చి దాటి గెల్వ లోకులకు జెల్లదా
జుట్టెడుయినుము నమ్మి సొరిది నొక్కడు భూమి గట్టడిభయములెల్ల గడవగాను
నెట్టన జక్రాయుధుని నిజనామ మిటు నమ్మి తట్టి భవభయములు తరి దాటజెల్లదా
వేలెడుదీపము నమ్మి వెడగుజీకటి బాసి పోలిమి నొక్కనరుడు పొదలగాను
ఆలించి శ్రీవేంకటేశు డాత్మలో వెలుగగాను మేలి మాతని గొలిచి మెరయంగవలదా
No comments:
Post a Comment