వివేకించ వేళ లేదు

వివేకించ వేళ లేదు విజ్ఞానమార్గమందు భవసంపదలపెద్దపౌజు చూచీ జీవుడు

చిత్తమనియెడి మహాసింహాసనం బెక్కి హత్తిబహుపరాకాయ నదె జీవుడు
గుత్తపుదేహమనేటికొలువుకూటములోన జొత్తు బ్రకృతినాట్యము చూచీవి జీవుడు

పంచేంద్రియములనేబలుతేజీలపై నెక్కి అంచల వయ్యాళిదోలీ నదె జీవుడు
ముంచినకర్మములనేముద్రలపెట్టెలు దెచ్చి సంచముగా లెక్కవెట్టి సరి దాచీ జీవుడు

యిచ్చ గామక్రోధాలనే హితమంత్రులును దారు తచ్చి తలపోసుకొనీ దగ జీవుడు
అచ్చపుశ్రీవేంకటేశు డంతరాత్మయై యుండగా పచ్చిగా నాతని జూచి భ్రసీని జీవుడు