విశ్వప్రకాశునకు వెలియేడ లోనేడ శాశ్వతునకూహింప జన్మమికనేడ
సర్వ పరిపూర్ణునకు సంచారమిక నేడ నిర్వాణమూర్తికిని నిలయమిక నేడ
వుర్వీధరునకు కాలూదనొకచోటేడ పార్వతీస్తుత్యునకు భావమిక నేడ
నానా ప్రభావునకు నడుమేడ మొదలేడ ఆనన సహస్రునకు నవ్వలివ లేడ
మౌని హృదయస్తునకు మాటేడ పలుకేడ జ్ఞానస్వరూపునకు కానవిన వేడ
పరమ యోగీంద్రునకు పరులేడ తానేడ దురిత దూరునకు సంస్తుతి నిందలేడ
తిరువేంకటేశునకు దివ్య విగ్రహమేడ హరికి నారాయణున కవుగాములేడ
No comments:
Post a Comment