సంసారమే మేలు

సంసారమే మేలు సకల జనులకును కంసాంతకుని భక్తిగలిగితే మేలు

వినయంపు మాటల విద్య సాధించితే మేలు తనిసి యప్పులలోన దాగకుంటే మేలు
మునుపనే భుమి దన్నుమోచి దించకుంటే మేలు వెనుకొన్నకోపము విడచితే మేలు

కొరివొకరి నడిగి కొంచపడకుంటే మేలు సారె సారె జీవులను చంపకుంటే మేలు
భరపుటిడుమలను పడకుండితే మేలు కారించి తిట్ల కొడిగట్టకుంటే మేలు

పరకాంతల భంగపరచకుంటే మేలు దొరకని కెళవులు దొక్కకుంటే మేలు
అరుదైన శ్రీ వేంకటాద్రి విభుని గొల్చి యిరవై నిశ్చింతుడైతే నిన్నిటాను మేలు