శ్రీ వేంకటేశ్వరుని సింగారము

శ్రీ వేంకటేశ్వరుని సింగారము వర్ణించితే యే విధాన దలచిన యిన్నటికి దగును

కరిరాజు గాచిన చక్రము పట్టిన హస్తము కరి తుండమని చెప్పగా నమరును
వరములిచ్చేయట్టి వరద హస్తము కల్పతరు శాఖయని పొలుప దగు నీకును

జలధి బుట్టిన పాంచజన్య హస్తము నీకు జలధి తరగయని చాటవచ్చును
బలు కాళింగుని తోక పట్టిన కటి హస్తము పొలుపై ఫణీంద్రుడని పొగడగ దగును

నలిన హస్తంబుల నడుమనున్న నీయుర మలమేలు మంగ కిరవన దగును
బలు శ్రీ వేంకట గిరిపై నెలకొన్న నిన్ను నలరి శ్రీ వేంకటేశుడన దగును