సొరిది సంసారంబు

సొరిది సంసారంబు సుఖమా యిందరికి వెరవెఱంగక వగల వేగేరుగా

దేహములు దలప సుస్థిరములా ప్రాణులకు నూహింప లోభ మట్లుండుగాక
మోహంబుచే వెనుకముందెఱుగలేక తమ దేహసుఖములు మరిగి తిరిగేరుగాక

నెలకొన్నద్రవ్యములు నిలుచునా యెవ్వరికి అలవి నిలుపగరాని యాసగాక
బలువైనవట్టిభ్రాంతిచే దగులువడి తెలిసియును దెలియకిటు తిరిగేరుగాక

నెఱయువిభవములెల్ల నిజములా యిందరికి కొఱమాలినట్టి తమగుణముగక
యెఱుకతో దిరువేంకటేశు గొలువగలేక తెఱగుమాలినబుద్ధి దిరిగేరుగాక