విష్ణుడే ఇంతానని

విష్ణుడే ఇంతానని భావించుటే బుద్ది వైష్ణవుడై ఆచార్య సేవ చేయుటే బుద్ది

కొండ వంటి తనలోని కోపము రేగ వచ్చితే దండనే ఎచ్చరి ఊరకుండుటే బుద్ది
మెండుగా పరకాంతల మీద తమి పుట్టితేను అండ కాచి అందుకు భ్రమయకుండుటే బుద్ది

అట్టె ఎవ్వరైనా గృహారామాదులపై ఆశ పుట్టించితే వాని వెంట పోనిదే బుద్ది
చుట్టపు సంబంధాన సోకితే పరబాధలు చుట్టుకోక లోను కాక జునుగుటే బుద్ది


తప్పదింతా దైవికమే తన వద్దనున్నవారి తప్పులు పట్టనిదే తగని బుద్ది
ఎప్పుడు శ్రీ వేంకటేశుడెదలోన నున్నవాడు చొప్పెట్టి ఆతని మూర్తి చూచుటే బుద్ది