సంతలే చొచ్చితిగాని సరకు గాననైతి యింతట శ్రీహరి నీవే యిట దయజూడవే
కాంతచనుగొండలు కడకునెక్కితిగాని యెంతైనా మోక్షపుమెట్లు యెక్కలేనైతి
అంతట జవ్వనమనే అడవి చొచ్చితిగాని సంతత హరిభక్తనే సంజీవి గాననైతి
తెగి సంసారజలధి దిరుగలాడితిగాని అగడైవైరాగ్యరత్నమది దేనైతి
పొగరుజన్మాలరణభూములు చొచ్చితిగాని పగటుగామాదులపగ సాధించనైతి
తనువనియెడికల్పతరువు యెక్కితిగాని కొనవిజ్ఞానఫలము గోయనైతి
ఘనుడశ్రీవేంకటేశ కమ్మర నీకృపచేత దనిసి యేవిధులను దట్టుపడనైతి
No comments:
Post a Comment