సతి నిన్ను గెలిచెను జవ్వనపు గరిడిలో మతిలోన మెచ్చి మెచ్చి మన్నించు రమణుడా
కనుసూటి వలపూ కాంత చూచిన చూపు కొనకెక్కె మరుడదె గురులేసెను
మొనకత్తిసామూ ములువాడి కొనగోరు పెనగి చెక్కులనొత్తి పేరము వారెను
చేసూటి వలపూ చెలి కాగిలించినది బాసతోనే కాయజుడు పందెమాడెను
మూసిదింపు మొరగూ ముంచిన పయ్యదకొంగు ఆసలు నీకుజూపి ఆయాలు రేచెను
మొగసూటివలపూ మోహపు రమణినవ్వు తగవుతో మదనుడు దారగట్టెను
అగపడి శ్రీవేంకటాధిప నీవు గూడితి జగడమింతయు దీరిచనవు చేకొనెను
No comments:
Post a Comment