సతతము నేజేయు ననాచారములకు గడ యెక్కడ మతి ననుగని కావుము రామా రామా రామా
సేసిననాబ్రహ్మహత్యలు శిశుహత్యలు గోహత్యలు ఆసలనెన్నో యెన్నో ఆయాజాడలను
యీసున నే నిపు డెరిగియునెరగక సేసేదురితపు రాసులకును గడలే దిదె రామా రామా రామా
నమలెడినానాచదువులకు నానావిధభక్షణములు కమిలినదుర్గంధపుశాకమ్ములు దొములును
జముబాధల నరకంబుల సారెకు నన్నెటువలె శ్రీరమణుడ ననుగాచే విటు రామా రామా రామా
కపటపునాధనవాంఛలు కలకాలము బరకాంతల జపలపుదలపుల సేతలసంఖ్యము లరయగను
యెపుడును నిటువలెనుండెడుహీనుని నన్నెటు గాచెదో రవమున శ్రీవేంకటగిరిరామా రామా రామా
No comments:
Post a Comment