సేవించరో జనులాల చేతులెత్తిమొక్కరో వావిరి ప్రహ్లదునికి వరదుడు వీడే
జగన్నాథుడు వీడే సర్వరక్షకుడు వీడే నిగమవేద్యుడైన నిత్యుడు వీడే
సుగుణవంతుడు వీడే సర్వకాముడు వీడే నగుమొగము సుగ్రీవనరసింహుడు వీడే
మరుజనకుడు వీడే మహిమాధికుడు వీడే పరగ శ్రీలక్ష్మీపతియు వీడే
సురులకేలిక వీడే శుభమూరుతి వీడే నరసఖుడు సుగ్రీవనరసింహుడు వీడే
భువనాధిపతి వీడే పురుషోత్తముడు వీడే వివిధప్రతాప కోవిదుడు వీడే
ఇవల శ్రీవేంకటాద్రి నిరవైనతడు వీడే సవమూర్తి సుగ్రీవనరసింహుడు వీడే
No comments:
Post a Comment