వెఱ్రిదెలిసి రోకలి

వెఱ్రిదెలిసి రోకలి వెస జుట్టుకొన్నట్టు యిఱ్రిదీముభోగముల నెనసేము

మురికిదేహము మోచి మూలల సిగ్గుపడక పొరి బరిమళములు పూసేము
పరగ పునుకతల పావనము సేసేమంటా నిరతితోడ దినము నీట ముంచేము

పుక్కట పంచేంద్రియపువుట్టు వుట్టి యందరిలో మొక్కించుక దొరలమై మురిసేము
అక్కర నజ్ఞానమనే అంధకారముననుండి దిక్కుల నెదిరివారి దెలిపేము

దినసంసారమే మాకు దేవుడని కొలుచుక వెనుకొని ఘనముక్తి వెదకేము
యెనలేని శ్రీ వేంకటేశ మమ్ము గావగాను తనిసి తొల్లిటిపాటు దలచేము