సకల జీవులకెల్ల

సకల జీవులకెల్ల సంజీవి యీమందు వెకలులై యిందరు సేవించరో యీమందు

మూడు లోకము లొక్కట ముంచి పెరిగినది పోడిమి నల్లని కాంతి బొదలినది
పీడుక కొమ్ములు నాల్గు పెనచి చేయువారినది వాడే శేషగిరిమీద నాటుకొన్న మందు

పడిగెలు వేయింటి పాము గాచుకున్నది కడు వేదశాస్త్రముల గబ్బు వేసీది
యెడయక వొకకాంత యెక్కుక వుండినది కడలేని యంజనాద్రి గారుడపు మందు

బలు శంఖు జక్రముల బదనికెలున్నది తలచిన వారికెల్ల దత్త్వమైనది
అలరిన బ్రహ్మరుద్రాదుల బుట్టించినది వెలుగు తోడుత శ్రీవేంకటాద్రి మందు