వెరపులు నొరపులు

వెరపులు నొరపులు వృథా వృథా ధరపై మరి యంతయును వృథా

తడయక చేసినదానంబులు వృథ యెడనెడ నెరిగినయెరుక వృథా
వొడలిలోనిహరి నొనరగ మతిలో దడవనిజీవమె తనకు వృథా

జగమున బడసినసంతానము వృథ తగిలి గడించినధనము వృథా
జగదేకవిభుని సకలాత్ముని హరి దెగి కొలువనిబుద్ధియును వృథా

పనివడికూడిన పరిణామము వృథ వొనరగనుండినవునికి వృథా
ఘనుడగు తిరువేంకటగిరిహరి గని మననేరని జన్మములు వృథా