సిరుత నవ్వులవాడు సిన్నెకా వీడు వెరపెరుగడు సూడవే సిన్నెకా
పొలసు మేనివాడు బోరవీపు వాడు సెలసు మోరవాడు సిన్నెకా
గొలుసుల వంకల కోరలతోబూమి వెలిసినాడు సూడవే సిన్నెకా
మేటి కురుచవాడు మెడమీది గొడ్డలి సీటకాలవాడు సిన్నెకా
ఆటదానిబాసి అడవిలో రాకాశి వేటలాడీ జూడవే సిన్నెకా
బింకపు మోతల పిల్లగోవివాడు సింక సూపులవాడు సిన్నెకా
కొంకక కలికియై కొసరి కూడె నన్ను వేంకటేశుడు సూడవే సిన్నెకా
Download
No comments:
Post a Comment