వెఱవకు మనసా విష్ణుని యభయము నెఱవుగ నెదుటనే నిలచినది
శ్రీపతి కరుణ జీవ రాసులకు దాపును దండై దగిలినది
పై పై దేవుని బలు సంకల్పమె చెపట్టి రక్షింప చెలగేది
నలినోదరు నిజ నామాంకితమే యిలపై దాసుల నేలేది
కలి భంజను శంఖ చక్ర లాంఛన మలవడి శుభముల నందించేది
శ్రీవేంకటపతి చేసిన చేతలె వేవేల విధుల వెలసేది
భూవిభుడితడు పూచిన మహిమలె కైవసమై మము గాచేది
No comments:
Post a Comment