ఈతడే

ఈతడే రఘురాముడీతడేకాంగవీరుడు యీతడు చేసిన చేత లెన్నియైనా కలవు

ఖరదూషణాదులను ఖండతుండముల సేసె అరుదుగా వాలి నొక్కయమ్మున నేసె
సరవి కొండలచేత సముద్రము బంధించె ఇరవై విభీషణునికిచ్చె లంకారాజ్యము

కూడపెట్టె వానరుల, కుంభకర్ణాదిదైత్యుల తోడనే రావణుజంపె దురము గెల్చె
వేడుకతో సీతాదేవి కూడెను పుష్పకమెక్కె యీడు జోడై సింహాసన మేలె నయోధ్యలోన

పుడమియంతయు గాచె పొందుగా తనంతలేసి కొడుకుల గాంచెను కుశలవుల
యెడయక శ్రీవేంకటేశుడై వరములిచ్చె అడరి తారకబ్రహ్మమై ఇదె వెలసె