ఊరకే పోనియ్యరా

ఊరకే పోనియ్యరా నన్నుద్దండాన చేరలంతేసి కన్నుల జెంగలించే విప్పుడు

జూదమాడ బిలిచేవు చూపులనే జంకించేవు పేదవారి మేన సొమ్ము పెట్టనియ్యవా
కేదమున నోడి గెలిచితి నంటా నా పాదమంటి తీసుకోరా బంగారు మట్టెలు

నెత్తమాడ బిలిచేవు నెఱవాది నంటాను అత్తమామ గలవార మదేమిరా
ఒత్తి విన్నవించలేము ఓడితేను నీకు నాకు రిత్తమాట వద్దు రేఖ రేఖ పందెమా

సొక్కటాలు నిన్ననాడి సోలి సత్యభామకు మ్రొక్కితివి నేడు నాకు మ్రొక్కవలెగా
చక్కని వేంకటపతిస్వామి నన్నుంగూడితివి మొక్కెద కర్పూర తాంబూలమీరా చాలును