ఇలయును నభమును

ఇలయును నభమును నేకరూపమై జలజల గోళ్ళు జళిపించితివి

ఎడసిన నలముక హిరణ్యకశిపుని దొడికిపట్టి చేతుల బిగిసి
కెడసి తొడలపై గిరిగొన నదుముక కడుపుచించి కహకహ నవ్వితివి

రొప్పుల నూర్పుల రొచ్చుల కసరులు గుప్పుచు లాలలు గురియుచును
కప్పినబెబ్బులి కసరుహుంకృతుల దెప్పరపసురల ధృతి యణచితివి

పెళపెళనార్చుచు బెడబొబ్బలిడుచు థళథళ మెరవగ దంతములు
ఫళఫళ వీరవిభవరస రుధిరము గుళగుళ దిక్కుల గురియించితివి

చాతినప్రేవుల జన్నిదములతో వాతెరసింహపు వదనముతో
చేతులువేయిట జెలగి దితిసుతుని పోతర మణపుచు భువి మెరసితివి

అహోబలమున నతిరౌద్రముతో మహామహిమల మలయుచును
తహతహ మెదుపుచు దగువేంకటపతి యిహము బరము మాకిపుడొసగితివి