ఒకటికొకటిగూడ

ఒకటికొకటిగూడ దోయమ్మ నీయందే సకలము నెటువలె సంతసేసితివే

తానకు నీ కుచాలు దంతికుంభల బోలితే యీ నడుము సింహమునేల పోలెనే
అనివట్టి నీ కన్ను లంబుజాల బోలితేను అననము చందురుని నదియేల పోలెనే

అతివ నీచేతులు బిసాంగముల బోలితేను యితవై నడపు హంసనేల పోలెనే
చతురత నాసికము సంపెంగ జోలితేను తతి నీకురులు తుమ్మెదలనేల పోలెనే

నేవళపు నీయారు నీలాహి బోలితేను యీవల మేను మెరుపునేల పోలెనే
శ్రీ వేంకటేశు మొవి చిన్ని కెంపులంతించి ఆవేళ దంతాలు వజ్రాలై యెట్టువోలెనే