జగతి వైశాఖ

జగతి వైశాఖ శుద్ధ చతుర్దశి మందవార మగణితముగ కూడె నదె స్వాతియోగము

పక్కన నుక్కు కంభము పగిలించుక వెడలి తొక్కి హిరణ్యకశిపు తొడికిపట్టి
చక్కగా గడపమీద సంధ్యాకాలమున వక్కలుసేసె నురవడి శ్రీనరసింహుడు

పిప్పిగాగ చప్పరించి పేగులు జందేలు వేసి తొప్పదోగుచు నెత్తురు దోసిట జల్లె
రొప్పుచు కోపముతో తేరుచు పకపక నవ్వి తప్పకచూచె వాని నుదగ్ర నరసింహుడు

ఎదుట ప్రహ్లాదుజూచి ఇందిర తొడపైనుంచె అదన అందరికిని అభయమిచ్చె
కదిసి శ్రీవేంకటాద్రి గద్దెమీద కూచుండె వెదచల్లె కృపయెల్ల వీరనరసింహుడు