దైవమా నీకు వెలితా తలపువెలితేకాక వేవేలు కర్మల వేసారగవలనె
హరియంటే బాపేటి అన్నిపాపాలు సేసిన పొరినందుపై నమ్మిక పుట్టుదుగాక
నరసింహాయంటే వచ్చే నానాపుణ్యాలకు తిరముగా ఋణములు దీర్చుకొనగలనా
దేవ జగన్నాథయంటే తెగనిజన్మములేవి కైవశము నామనసు గాదుగాక
గోవిందయనియంటే గూడని పదవులేవి కావిరిగాలమూరకె కడపేము నేము
వేదనారాయణయంటే వీడేటి బంధములు ఆదిగా మూడులోకాలనైనా నున్నదా
శ్రీదేవిపతియైన శ్రీవేంకటేశ్వరుడా యేదెసా నీవే నన్ను యీడేర్తువుగాక
No comments:
Post a Comment