జీవు డెంతటివాడు

జీవు డెంతటివాడు చిత్త మెంతటిది తన దైవికము గడప నెంతటివాడు దాను

విడిచిపోవనియాస విజ్ఞానవాసనల గడచి మున్నాడె నెక్కడివివేకములు
వుడుగనియ్యనిమోహ ముబ్బి పరమార్థముల మెడవట్టి నూకె నేమిటికింక నెరుక

పాయనియ్యనిమహాబంధ మధ్యాత్మతో రాయడికి దొడగై సైరణలేల కలుగు
మాయనియ్యనికోపమహిమ కరుణామతిని వాయెత్తనియ్య దెవ్వరికి జెప్పుదము

సరిలేనియాత్మచంచల మంతరాత్మకుని నెరగనియ్యదు దనకు నేటిపరిణతులు
తిరువేంకటాచలాధిపునిమన్ననగాని వెరసి యిన్నిటి గెలువ వెరవు మఱిలేదు