దైవకృతంబట

దైవకృతంబట చేతట తనకర్మాధీనంబట కావలసినసౌఖ్యంబులు గలుగక మానీనా

ఎక్కడిదుఃఖపరంపర లెక్కడిసంసారంబులు యెక్కడిజన్మము ప్రాణులకేలా కలిగినది
యెక్కడిమోహవిడంబన యెక్కడియాశబంధము యెక్కడికెక్కడ నిజమై యివి దానుండీనా

యీకాంతలు నీద్రవ్యము లీకన్నులవెడయాసలు యీకోరికె లీతలపులు యిట్టే వుండీనా
యీకాయం బస్థిరమన కీదుర్దశలకు లోనై యీకల్మషముల బొరలగ నివి గడతేరీనా

దేవశిఖామణి తిరుమల దేవునికృపగల చిత్తము పావనమై దురితంబుల బాయక మానీనా
ఆవిభుకరుణారసమున నతడే తను మన్నించిన ఆవేడుక లీవేడుక లాసలు సేసీనా