కొమ్మలాలా

కొమ్మలాలా ఎంతవాడె గోవింద రాజు కుమ్మరించీ రాజసమే గోవింద రాజు


ఉలిపచ్చి నవ్వులతో ఒత్తిగిలి పవళించి కొలువు సేయించుకొనీ గోవింద రాజు
జలజాక్షు లిద్దరును సరి పాదాలొత్తగాను కొలది మీర మెచ్చేనీ గోవింద రాజు

అదె నాభికమలాన అజుని పుట్టించి తాను కొద లేక ఉన్న వాడు గోవింద రాజు
చెదరక తన వద్ద సేవ సేసే సతులకు గుదిగుచ్చీ వలపులు గోవింద రాజు

ఒప్పుగా వామకరము ఒగిచాచి వలకేల కొప్పు కడునెత్తినాడు గోవింద రాజు
ఇప్పుడు శ్రీ వేంకటాద్రి నిరవై శంఖుచక్రాలు కుప్పె కటారములు పట్టె గోవింద రాజు