జయము జయము ఇక జనులాల భయములు వాసెను బ్రదికితి మిపుడు
ఘన నరసింహుడు కంభమున వెడలె దనుజులు సమసిరి ధరవెలసె
పొనిసె నధర్మము భూభారమడగె మునుల తపము లిమ్ముల నీడేరె
గరిమతో విష్ణుడు గద్దెపై నిలిచె హిరణ్య కశిపుని నేపడచె
అరసి ప్రహ్లాదుని అన్నిటా మన్నించె హరుడును బ్రహ్మయు అదె కొలిచేరు
అహోబలేశుడు సిరి నంకమున ధరించె బహుగతి శుభములు పాటిల్లె
ఇహపరము లొసగె నిందును నందును విహరించెను శ్రీవేంకటగిరిని
No comments:
Post a Comment