గంధము పూసేవేలే కమ్మని మేనయీ గంధము నీ మేనితావి కంటి నెక్కుడా
అద్దము చూచే వేలే అప్పటికిని అద్దము నీ మోముకంటె నపురూపమా
ఒద్దిక తామర విరి నొత్తేవు కన్నులు నీ గద్దరి కన్నుల కంటె కమలము ఘనమా
బంగారు పెట్టేవేలే పడతి నీమెయినిండా బంగారు నీతనుకాంతి ప్రతివచ్చీనా
ఉంగరాలేటికి నే వొడికపు వేళ్ళ వెంగలి మణుల నీ వేలిగోరబోలునా
సవర మేటికినే జడియు నీనెరులకు సవరము నీకొప్పుసరి వచ్చీనా
యివలజవులు నీకు నేలే వేంకటపతి సవరని కెమ్మోవి చవికెంటేనా
No comments:
Post a Comment