జయ జయ రామా సమరవిజయ రామా భయహర నిజభక్తపారీణ రామా
జలధిబంధించిన సౌమిత్రిరామా సెలవిల్లువిరచినసీతారామా
అలసుగ్రీవునేలినాయోధ్యరామా కలిగి యజ్ఞముగాచేకౌసల్యరామా
అరిరావణాంతక ఆదిత్యకులరామా గురుమౌనులను గానేకోదండరామా
ధర నహల్యపాలిటిదశరథరామా హరురాణినుతులలోకాభిరామా
అతిప్రతాపముల మాయామృగాంతక రామా సుతకుశలవప్రియ సుగుణ రామా
వితతమహిమలశ్రీవేంకటాద్రిరామా మతిలోనబాయనిమనువంశరామా
No comments:
Post a Comment