గెలిచితి భవములు గెలిచితి లోకము యెలమి నీదాసుల కెదురింక నేది
జయ జయ నరసింహా జయ పుండరీకాక్ష జయ జయ మురహర జయ ముకుంద
భయహరణము మాకు పాపనాశనము క్రియతోడి నీ సంకీర్తన గలిగె
నమో నమో దేవ నమో నాగపర్యంక నమో వేదమూర్తి నారాయణా
తిమిరి మమ్ము గావగ దిక్కయి మాకు నిలువ జమళీభుజముల శంకుజక్రములు గలిగె
రక్ష రక్ష పరమాత్మ రక్ష శ్రీవేంకటపతి రక్ష రక్ష కమలారమణ పతి
అక్షయసుఖ మియ్యగల వటు దాపుదండగా పక్షి వాహనుడ నీ భక్తి మాకు గలిగె
No comments:
Post a Comment