మొదలుండ గొనలకు

మొదలుండ గొనలకు మోచి నీళ్ళు వోయనేల యెదలో నీవుండగా నితరము లేలా

నిగమ మార్గముల నే నడచే నంటే నిగము లెల్లను నీమహిమే
జగము లోకుల జూచి జరిగెద నంటే జగములు నీ మాయ జనకములు

మనసెల్ల నడ్డపెట్టి మట్టున నుండే నంటే మనసు కోరికెలు నీ మతకాలు
తనువు నింద్రియములు తగ గెలెచే నంటే తనువు నింద్రియములు దైవము నీ మహిమా

 ఇంతలోని పనికిగా యిందు నందు జొరనేల చెంత నిండు చెరువుండ చెలమ లేలా
పంతాన శ్రీవేంకటేశ పట్టి నీకే శరణంటి సంత కూటాల ధర్మపు సంగతి నాకేలా