నేరుపరి ననుకోను

నేరుపరి ననుకోను నెరజాణ ననుకోను యీరీతి నాహావ భావాలింతెఱగడా

మలసి తనతో నేను మాటలాడనని దూరి నెలవుల నవ్వితేనే సేన మాటలే
పిలిపించనని తాను బిగువులు నెరపీని తలుపు దెరచితేనే తగుసన్న గాదా

దగ్గర గూచుండనంటా తమకించి నంతలోనె సిగ్గువడి వుండితేనే చేరి వుండుటే
వొగ్గి తన్ను జూడనంటా వొరట్లు వట్టీని అగ్గమై యెదుట నుంటే అన్నియును గాదా

ముందు కౌగిలించనంటూ మొనలెల్ల జూపీని ఇందమని విడేమిచ్చుటదియే అది
అందపు శ్రీ వేంకటేశుడలమేలుమంగ నేను పొందితిమిద్దరమివి పోదులెల్లా గావా