ఉన్నవిచారములేల

ఉన్నవిచారములేల వోహో సంసారులాల యిన్నిటి కితడే రక్ష యిదే మీకు మనరో

తక్కక బ్రహ్మలగన్న తండ్రి గొలిచి మీరు యెక్కువ సంతతిగల్గి యీడేరరో
అక్కున లక్ష్మీనారాయణుల దలచి మీరు చొక్కి మీమీదంపతులు సుఖమున నుండరో

భవరోగవైద్యునిపాదములు సేవించి భువి రోగముల బాసి పొదలరో
తవిలి పదిదిక్కులు తానైనవాని గవిసి పొగడి దిక్కుగలిగి బ్రదుకరో

తల్లిదండ్రీ నీతడే తగ జుట్ట మీతడే యెల్లగా బుట్టించి పెంచేయేలి కీతడే
చల్లగా శ్రీవేంకటేశు శరణంటి మిదె మేము కొల్లగా మీరెల్లా మమ్ము గుఱిగా వర్ధిల్లరో