ఉప్పవడము

ఉప్పవడము గాకున్నారిందరు యెప్పుడు రేయి నీకెప్పుడు పగలు

వున్నతి చంద్రుడును కమలమిత్రుడును వున్నతి నివి నీకుండగను
వెన్నెలయెండలు వెలయగ మేల్కొను టెన్నడు నిద్దుర యెన్నడు నీకు

కందువ సతికనుగలువలు ముఖార విందము నిదివో వికసించె
ముందర నిద్దుర మొలవదు చూచిన విందగు నీతెలివికి దుదయేది

తమము రాజసము తగుసాత్వికమును నమరిన నీమాయారతులు
కమలాధిప వేంకటగిరీశ నిన్ను ప్రమదము మఱపును బైకొనుటెట్లా