అలర నుతించరో

అలర నుతించరో హరిని యెలయించి మిము భ్రమయించీనీ గాలము

సేయరో మనుజులారా చింత హరి నికనైన రోయరో మీ భుజియించు రుచుల మీద
కాయమస్థిరము యీకవి యధృవము చాల బోయబో యెందుకు గాకపోయ గాలము

మెచ్చరో మనుజులార మీరే హరికథలు పుచ్చరో మీ మదిలోని పొరలెల్లాను
కొచ్చరో మనుజులార కోరిక లెల్లను మీకు నిచ్చీని శుభములు యివి యెల్లకాలము

కనరో వేంకటపతి గన్నులు దనియగా వినరో యీతని స్తుతు వీనులు నిండ
మనరో శ్రీహరిచేతి మన్ననలు మీరు తనమీది మదిబుద్ది దాచీనీ గాలము