ఈతని మహిమలు ఎంతని చెప్పెద చేతుల మ్రొక్కెద చెలగుచు నేను
శ్రీ నరసింహుడు చిన్మయ మూరితి నానా విధకర నఖరుడు
దానవ దైత్య విదారుడు విష్ణుడు తానకమగు మా దైవంబితడు
అహోబలేశుడు ఆదిమపురుషుడు బహు దేవతాసార్వ భౌముడు
సహజానందుడు సర్వరక్షకుడు ఇహపరము లొసగు యేలిక యితడు
కేవలుడగు సుగ్రీవనృసింహుడు భావించ సుజన పాలకుడితడు
శ్రీవేంకటేశుడు చిత్తజ జనకుడు వేవేలకు వేల్పు ఇతడు
No comments:
Post a Comment