ఈ మాట విని

ఈ మాట విని నిన్ను నిందుకే నవ్వితి నేను నేమమెంత నేమెంత నీకరుణ యెంత

సకలకర్మముచేత సాధ్యముగానినీవు వొకైంచుకంతభక్తి కొగిలోనైతి ప్రకటించి బహువేదపఠన జిక్కనినీవు మొకరివై తిరుమంత్రమునకు జిక్కితివి

కోటిదానములచేత కోరి లోనుగాని నీవు పాటించి శరణంటేనే పట్టి లోనైతి మేటి వుగ్రతపముల మెచ్చి కైకొననినీవు గాటపుదాసు లైతేనే కైకొని మన్నించితి

పెక్కు తీర్థములాడిన భేదించరానినీవు చొక్కి నీముద్రవారికి సులభుడవు గక్కన దేవతలకు గానరానినీవు మాకు నిక్కడ శ్రీవేంకటాద్రి నిరవైతివి