ఇహపరములకును

ఇహపరములకును ఏలికవు బహురూపంబుల ప్రహ్లాదవరదుడు

వేయికరంబుల వివిధాయుధంబుల దాయల నడచిన దైవమవు
నీయందున్నవి నిఖిల జగంబులు పాయక మమ్మేలు ప్రహ్లాదవరద

కదిమి దుష్టులను గతము చేసితివి త్రిదశుల గాచిన దేవుడవు
వదల కిందరికి వరములొసంగగ బ్రతికితి మిదివో ప్రహ్లాదవరద

శ్రీవల్లభుడవు చిత్తజగురుడవు కావలసినచో కలుగుదువు
శ్రీవేంకటాద్రిని శ్రీ అహోబలాన భావింతు నీమూర్తి ప్రహ్లద వరద