అలుకలు చెల్లవు హరి పురుషోత్తమ నలి నిందిర నీతో నవ్వినది
ఆదిలక్ష్మి మోహన కమలంబున వేద మాత నిను వేసినది
ఆదెస నీపై నభయహస్తమును సాదరముగ గడు సాచినది
సిరి దన కన్నుల చింతామణులను పొరి నీపై దిగ బోసినది
వరద హస్తమున వలచెయి బట్టుక అరుదుగ నిను మాటాడించినది
జలధి కన్య తన సర్వాంగంబుల బిలిచి నిన్ను నిటు పెనగినది
అలముక శ్రీ వేంకటాధిప నిను రతి నెలమి నీ వురంబెక్కినది
No comments:
Post a Comment