చెలియా నాకు నీవు సేసే వుపకారమిది వెలలేని గుణముల వేడుకకాడతడు
వచ్చిన దాకా నీవు వద్దనే కాచుకుండు మెచ్చిన దాకా గొలువు మిగులాను
ఇచ్చగించి నందాకా నింపుగ సేవలు సేయు అచ్చపు బొందులు సేయుమాతనికి నాకును
సమ్మతించి నందాక సారె విన్నపాలు సేయు నెమ్మది బత్తైన దాకా నేర్పులు చూపు
కొమ్మని యిచ్చిన దాకా గుట్టున జేయెత్తి మొక్కు యిమ్ముల బొందులు సేయు మిద్దరికి నీవు
నవ్విన దాకా నీవు ననుపు లెల్లా జేయు మివ్వలి మోమైన దాకా నింపులు చల్లు
రవ్వగా శ్రీ వేంకటరాయడిదే నన్ను గూడె మవ్వపు బొందులు సేయు మాకు నీ వెప్పుడును
No comments:
Post a Comment