ఎవ్వరు గర్తలుగారు

ఎవ్వరు గర్తలుగారు యిందిరానాథుడే కర్త నివ్వటిల్లాతనివారై నేమము దప్పకురో

కర్మమే కర్తయితే కడకు మోక్షము లేదు అర్మిలి జీవుడు గర్తయైతే బుట్టుగేలేదు
మర్మపుమాయ గర్తయితే మరి విజ్ఞానమేలేదు నిర్మితము హరిదింతే నిజమిదెరుగరో

ప్రపంచమే కర్తయితే పాపపుణ్యములు లేవు వుపమ మనసు గర్తైయుంటే నాచారమేలేదు
కపటపు దెహములే కర్తలయితే చావులేదు నెపము శ్రీహరిదింతే నేరిచి బ్రదుకరో

పలుశ్రుతులు గర్తలై పరగితే మేరలేదు అల బట్టబయలు గర్తైతే నాధారము లేదు
యెలమి నిందరికి గర్త యిదివో శ్రీవేంకటాద్రి నిలయపుహరి యింతే నేడే కొలువరో