దైవము పుట్టించినట్టి

దైవము పుట్టించినట్టి తనసహజమే కాక కోవిదునికైనా జాలిగుణమేల విడుచు

ఆరయ బంచదార నద్దుక తినబోతే చేరరానిముష్టిగింజ చేదేల మాను
సారమైన చదువులు సారె సారె జదివినా గోరపుదుష్టునికి కోపమేల మాను

నిప్పు దెచ్చి వొడిలోన నియమాన బెట్టుకొంటే యెప్పుడును రాజుగాక యిది యేల మాను
ముప్పిరి బాతకుడైనమూఢు డెన్నియాచారాలు తప్ప కెంతసేసినాను దయయేల కలుగు

యింటిలోన గొక్కు దెచ్చి యిరవుగ బెట్టుకొంటే దంటయై గోడలు పడదవ్వ కేలమాను
గొంటరై శ్రీవేంకటేశు గొలువకుండినవాడు తొంటిసంసారవుగాక దొర యేటికౌను