నెరవాది సాహసులు

నెరవాది సాహసులు నిత్యశూరులు దురిత విదూరులు ధృవాదులు

తక్కక శ్రీహరిభక్తితపాలుసేసి యెక్కిరి చక్కగా వైకుంఠము సనకాదులు
వొక్కట విష్ణుకథలు వోడసేసుక దాటిరి పెక్కు సంసారజలధి భీష్మాదులు

కడువిరక్తి యనేటి కత్తులనే నరకిరి నడుమ భవపాశముల నారదాదులు
బడినే హరిదాసులపౌజులు గూడుకొనిరి నుడివడ కిహమందే శుకాదులు

పరమశాంతములనే పట్టపేనుగులమీద వరుసల నేగేరు వ్యాసాదులు
సిరుల శ్రీవేంకటేశు జేరి సుఖము బొందిరి బెరసి దాస్యమున విభీషణాదులు