నీవెరగనిది లేదు

నీవెరగనిది లేదు నీయాజ్ఞ మోచితి నింతే నీవాడ నింతే హరి నేనన జోటేది

కన్నుల కెందైన జూపుకలది స్వభావము యెన్నగ నాయందు బాపమెంచజోటేది
విన్ననై చెవులకింపు వినుట స్వభావము పన్నిన కర్మాలు నన్ను బైకొన జోటేది

నాలికకు జవియైతే నమలుటే సహజము నాలి అభోజ్యపునింద నాకు బనేమి
మూల వాసనగొనేది ముక్కుకు సహజము జోలిబంధములు నన్ను జుట్టగజోటేది

కాయము కాయముపొంత గరగుటే ఆగుణము సేయనిచేతలు నాపై జెప్ప జోటేది
యీయెడ శ్రీవేంకటేశ యిన్నిటిలో నన్ను బెట్టి పాయక నాలో నుందువు పట్టగ జోటేది