చెక్కిటి చే యిక నేల చింతలేల అక్కరతో నాపె నీ యలపారిచీ గాక
జవ్వనపు సతి తోడి సరసము చివ్వన నీ మేనెల్లా జెమరింపించె
పువ్వుల వసంతాలు పొలయాటలూ నవ్వి నవ్వి నీ మనసు నాము లెక్కింపించె
చక్కెర బొమ్మవంటి యీ సతి పొందులు చిక్కించి నీకు వలపు చిమ్మిరేగించె
నిక్కి నిక్కి యాపె జూచె నీ వేడుకలు చెక్కుల చెనకులయి సిగ్గు విడిపించె
అలమేలు మంగతో నెయ్యపు రతులు నిలువెల్ల సింగారమై నీకు నమరె
నెలవై శ్రీ వేంకటేశ నీ తమకము అలరిన చుట్టరికమై తగిలించె
No comments:
Post a Comment