దోమటి వింతెరుగరా

దోమటి వింతెరుగరా తొల్లిటివారు వామదేవవసిష్ఠవ్యాసాదులు

తానే దైవమైతే తపమేల జపమేల పూని సారె బూజించేపూజలేల
కూనువంగి యింటింట గోరనేల వేడనేల యీనెపాన లోకమెల్లా నేలరాదా తాను

తగ దా స్వతంతుడైతే దరిద్రదుఃఖములేల నొగలి వ్యాధులచేత నొవ్వనేల
నగుబాటులైన జననమరణములేల ముగురువేల్పులదండ మొనచూపరాదా

శ్రీ వేంకటేశుడే శేఖరపుదైవమని సావధాను డితనికి శరణుజొచ్చి
భావములోపల దనపాపబంధములు బాసి తావుల నాతనికృప దండ చేరరాదా